നെബ്രസ്‌ക്കൊ: അഞ്ചു വയസ്സുള്ള എമിലിയും, മൂന്നു വയസ്സുള്ള തിയോഡര്‍ പ്രൈസും നെബ്രസ്‌ക്കെ ആല്‍ബര്‍ട്ട് അവന്യൂവിലുള്ള വീട്ടില്‍ മരിച്ച നിലയില്‍ കണ്ടെത്തിയതിനെ തുടര്‍ന്ന് പോലീസ് നടത്തിയ അന്വേഷണത്തില്‍ കുട്ടികളുടെ പിതാവിനെ കാലിഫോര്‍ണിയ ഫെസഫിക്കായില്‍ വെച്ചു അറസ്റ്റു ചെയ്തു. മെയ് 17 ഞായറാഴ്ച വൈകീട്ട് അറസ്റ്റു ചെയ്ത ആഡംപ്രൈസ്(35) നെ തിങ്കളാഴ്ച ഉച്ചക്ക് ഒന്നരയോടെ കാലിഫോര്‍ണിയ കോടതിയില്‍ ഹാജരാക്കി.
കുട്ടികളുടെ മരണത്തെകുറിച്ചു ഫോറന്‍സിക്ക് റിപ്പോര്‍ട്ട് കിട്ടിയതിന്‌ശേഷം പിതാവിനെതിരെ കൂടുതല്‍ ചാര്‍ജ്ജുകള്‍ ആവശ്യമാണെങ്കില്‍ സ്വീകരിക്കുമെന്ന് ഫസഫിക്ക് പോലീസ് പറഞ്ഞു. പ്രതിയെ കാലിഫോര്‍ണിയായില്‍ നിന്നും നെബ്രസ്‌ക്കയിലേക്ക് കൊണ്ടുവരുന്നതിനുള്ള നടപടികളും അനുവദിച്ചിട്ടുണ്ട്. മാതാപിതാക്കളുടെ ദാമ്പത്യ തകര്‍ച്ചയുടെ ഇരകളാണ് നിര്‍ദോഷികളും നിഷ്‌ക്കളങ്കരുമായ രണ്ടു കുട്ടികള്‍.
റിപ്പോർട്ട് : പി.പി.ചെറിയാന്‍
