സണ്ണിവെയ്ൽ (ഡാളസ്) :- അമേരിക്കൻ സ്വാതന്ത്യദിനം പ്രമാണിച്ച് സണ്ണി വെയ്ൽ സിറ്റിയിൽ മലയാളിയും മേയറുമായ സജി ജോർജ്ജിന്റെ നേതൃത്വത്തിൽ സ്വാതന്ത്ര്യ ദിന റാലി സംഘടിപ്പിച്ചു. സ്വാതന്ത്യദിനമായ ജൂലൈ 4 നു മുമ്പ് ശനിയാഴ്ച രാവിലെ 9 മണിയോടെ സിറ്റിയുടെ വിവിധ ഭാഗങ്ങളിൽ നിന്നും aഎത്തിച്ചേർന്നവർ റാലിയിൽ അണിനിരന്നതോടെ റാലി കാണുന്നതിന് നിരവധി പേർ റോഡിനിരുവശത്തും കാത്തു നിന്നിരുന്നു. പത്തു വയസ്സിനു താഴെയുള്ള കുട്ടികൾ സൈക്കിളിൽ , യൂണിഫോം ധരിച്ച് അണിനിരന്നത് ഏവരുടെയും പ്രശംസ പിടിച്ചുപറ്റി. ഫയർഫോഴ്സിന്റെ പിറകിൽ മേയറും കുടുംബവും കൗൺസിൽ അംഗങ്ങളും അണിനിരന്ന റാലിയിൽ നിരവധി ഇന്ത്യൻ അമേരിക്കൻ വംശജരും പ്രത്യേകിച്ച് മലയാളികൾ അണിനിരന്നിരുന്നു.

റിപ്പോർട്ട് : പി.പി.ചെറിയാന്